Casharka 1aad: Autism
Casharka koowaad waxaan kaga hadli doonnaa baaridda autism-ka, waxtarka iyo taageerada bulshada. Soo dhawoow!
Baaridda autism-ka
Waxaan ku bilaabaynaa inaan ka hadalno micnaha baaridda autism-ka. Waxaan sidoo kale ka hadalnaa sida loo baaro oo loo ogaado autism-ka.
Xasuusnow!
- Baaridda autism-ka waxa la sameeyaa marka astaamuhu ay naafeeyaan hawlaha nolol maalmeedka..
- Baaxadda naafanimadu aad bay ugu kala duwan tahay shakhsiyaadka kala duwan.
- Autism-ku ma aha cudur, ee waa hab duwan oo la noqdo.
Korriimo duwan
Ilmaha qaba autism-ka koriimadiisii hore ayaa duwanayd, filimkan ayaan ku sharaxaynaa habka.
Xusuusnow!
Autism-ku maaha wax xun ama wax ay waajib nagu tahay inaan xallinno. Laakiin waa wax goor walba aan ku qasban nahay inaan la qabsanno.
Baaritaanno isku mar ah
Waa caadi ah in dadka qaba autism-ka ay sidoo kale qabi karaan cillado kale, oo isku mar ah. Filimkan, waxaan kuugu sheegaynaa wax badan oo ku saabsan cilladaha isku marka ah oo caanka ah.
Xasuusnow!
Baaritaannada isla socda oo caadiga ah waa:
- ADHD
- khalkhal Luqadda
- khalkhal Waxbarasho
- xaalad dhimir
- xaalad caafimaad
Sababo iyo saadaal
Filimkan waxaan guda gelaynnaa sababaha keena autism-ka iyo sidoo kale saadaasha.
Xasuusnow!
- Autism badanaa waa fir, arrimo deegaan baana saamayn kara.
- Calaamadaha waa la hagaajin karaa si noloshu sahal u noqoto.
- Qof habkiisa beddelan ee uu u shaqaynayo waa laga faaiidi karaa.
Sii akhri
Sarbeebta buur-baraf
Waxa aan ku aragno autismka waxaa badanaa macnayn kara waxa aynaan arakayn. Filimkan, waxaan sharaxnaa annagoo adeegsanayna waxa la yiraahdo sarbeebta buur-baraf.
Xasuusnow!
Si loo bedelo dabeecadi, waxa loo baahan yahay inaan fahanno waxa ka dambeeya dabeecadda. Kaliya markaas ayaad ku caawin kartaa cunuga inuu u horumaro sida ugu macquulsan.
Waxaad kaloo soo xigan kartaa sarbeebta buur-baraf markaad eegto qaabka fikirka. Waxaad u baahan tahay inaad fahanto waxa oogada ka hooseeya si aad wax u bedesho oo wax u caddeyso si isbedel keeni karta.
Dareenka jawaabta baaritaanka
Marka ilmo ama qof dhalinyaro ah ogaado jawaabta baaritaanka, waxay dhalin kartaa dareenno iyo falcelinno kala duwan. Halkan waxaan ku eegaynaa waxa aad ka fekereyso marka lagu siiyo jawaabta.
Xasuusnow!
Ma jiraan falcelin ama darán sax ah ama khalad ah!
Ka fikir waxa iyo inta aad rabto inaad u sheegto dadka kale.
Waxtar shakhsi loogu tala galay
Filinkan waxaad ku baranaysaa sababta ay muhiim u tahay in la kordhiyo fahamka, in la hagaajiyo deegaanka iyo in la horumariyo kartida iyo xeeladaha ilmaha.
Xxasuusnow!
- Waxaa jira habab iyo siyaalo badan oo kala duwan si wax loogu sahlo qofka autismka qaba.
- Autism-ku ma laha daawo ama cilaaj. Balse waxa jira dawooyin lagula tacaalo dhibaatooyinka la socda autismka, sida hurdo xumada ama dhibaatooyinka walbahaarka.
Ururrada Autism-ka ee Iswidhen
Haddii aad leedahay ilmo qaba autism, waxaad xubin ka noqon kartaa urur degmo. Filimka waxaan kuugu sheegaynaa wax dheeri ah oo arrintan ku saabsan.
Sii akhri
Taageerada bulsho
Halkan waxaan ku eegaynaa taageerada aad ka heli karto bulshada haddii qoysku leedahay ilmo meel naafo lka ah.
Xasuusnow!
Waxaad ka heli kartaa noocyo kala duwan oo taageero ah dawladda, gobolka, degmada iyo ururada haddii aad leedahay ilmo meel naafo ka ah.
Waalid sheekaynaya
Helidda jawaabta baaritaanka
Maqal waalid kale oo ka sheekaynaya sidii ay noqdeen markii la siiyey jawaabta baaritaanka. Emil iyo Berta waxay ka sheekaynayaa siday ahayd markii ay jawaabta baaritaanka heleen.
In looga sheego dad kale
Ma u sheegtaa dad kale wax ku saabsan ilmaha cilladdiisa? Maqal waxa ay noo sheegaan waalidiinta carruur qabta autismka! Xitaa Emil, oo qaba autismka, wuxuu ka hadlayaa siduu ugu calool fayow yahay in la ogaado cilladdiisa.
Dhammaadka casharka 1aad
Shaqo wacan!
Hadda waxaad soo martay casharkii ugu horreeyay ee waxbarashada waalidka.
Ka fikir
Ka fikir su´aalahan:
- Ma isku aragtay naftaada iyo ilmahaaga wax ka mid ah waxyaalihii lagu sheegay qaybta hore ee waxbarashadan?
- Ma qabaa ilmahaagu dhibaatooyin dheeri ah, kuwoo aan la xiriirin autismka?
- Sidee noqotay markii aad ogaatay in ilmahaagu qabo autism?
Nuxurka casharka
Haddii aad rabto inaad akhriso nuxurka fiidiyowyada casharka 1, waxaad riixi kartaa dukumeentiga hoose.